ဧရာဝတီဘဏ်၏ ငွေကြေးခဝါချမှုနှင့် အကြမ်းဖက်မှုကို ငွေကြေးထောက်ပံ့မှုဆိုင်ရာ (AML/CFT) လုပ်ငန်းစဉ်များ

ဧရာဝတီဘဏ်လီမိတက်သည် ငွေကြေးခဝါချမှုနှင့် အကြမ်းဖက်မှုကို ငွေကြေးထောက်ပံ့မှု ဆိုင်ရာ (AML/CFT) လုပ်ငန်းစဉ်နှင့် စပ်လျဉ်း၍ မိမိဘဏ်၏ စီမံအုပ်ချုပ်သူများနှင့် ဝန်ထမ်း အဆင့်ဆင့် အားလုံးအား အသိပညာမြှင့်တင်ရေးနှင့် ထိရောက်စွာ အကောင်အထည်ဖော်ရေးအတွက် ပညာပေး အစီအစဉ်များ၊ အကောင်အထည်ဖော် လုပ်ဆောင်မှုများအား စဉ်ဆက်မပြတ် ချမှတ် ဆောင်ရွက် လျက်ရှိပါသည်။

ထို့အပြင် ဘဏ်၏ စီမံအုပ်ချုပ်သူများ၊ သက်ဆိုင်ရာဌာနများမှလည်း ငွေကြေးခဝါချမှုနှင့် အကြမ်းဖက်မှုကို ငွေကြေးထောက်ပံ့မှု ဆိုင်ရာ (AML/CFT) ၏ အရေးကြီးပုံကို ကောင်းစွာ နားလည် သဘောပေါက်ပြီး သက်ဆိုင်သည့် မူဝါဒများ၊ လုပ်ထုံးလုပ်နည်းများ ချမှတ်ကာ ရှေ့ဆက် ဆောင်ရွက်သွားခြင်း၊ ဘဏ်၏ Board Risk and Compliance Committee ကလည်း လစဉ် အစည်းအဝေးများပြုလုပ်ပြီး လိုအပ်သည့် လမ်းညွှန်မှုများ၊ အကြံပြုချက်များအား ဆွေးနွေးခြင်း၊ ငွေကြေးခဝါချမှုနှင့် အကြမ်းဖက်မှုအား ငွေကြေးထောက်ပံ့မှု တိုက်ဖျက်ရေး ဆိုင်ရာ ဆက်သွယ် ဆောင်ရွက်သူအပေါ် အလေးထား စိစစ်ခြင်း ညွှန်ကြားချက်များအား ဝန်ထမ်းများ သိရှိလိုက်နာ ဆောင်ရွက်ရန် အကောင်အထည်ဖော် လုပ်ဆောင်စေခြင်း၊ ငွေရေးကြေးရေးဆိုင်ရာ အရေးယူ ဆောင်ရွက်ရေးအဖွဲ့ (FATF) ၏ လုပ်ငန်းစဉ်အတိုင်း AML/CFT ဆိုင်ရာ အမျိုးသားအဆင့် မဟာဗျူဟာ နယ်ပယ် (၃) အကောင်အထည်ဖော် ကြီးကြပ်ရေး ကော်မတီ၏ လမ်းညွှန်မှုများနှင့်အညီ ဘဏ်မှ လိုက်နာ ဆောင်ရွက်ခြင်း၊ အကောင်အထည်ဖော် လုပ်ဆောင်ခြင်း၊ ဘဏ်၏ Compliance Officer များ မှလည်း မြန်မာနိုင်ငံတော် ဗဟိုဘဏ်မှ ချမှတ်ထားသည့် စည်းမျည်း/ကမ်း များနှင့်အညီ ဘဏ်မှချမှတ်ထားသည့် ညွှန်ကြားချက်များအတိုင်း လိုက်နာ ဆောင်ရွက်စေရန်အတွက် ၎င်းတို့၏ အသိပညာများ၊ လုပ်ဆောင်မှုများအား တိုးမြှင့် ဆောင်ရွက် စေခြင်း အစရှိသည်တို့ကိုလည်း သက်ဆိုင် ရာ ကဏ္ဍအလိုက် တာဝန်ရှိသူများမှ အကောင်အထည်ဖော် ဆောင်ရွက်လျက် ရှိပါသည်။

ငွေကြေးခဝါချမှုနှင့် အကြမ်းဖက်မှုကို ငွေကြေးထောက်ပံ့မှု ဆိုင်ရာ (AML/CFT) ဆုံးရှုံးနိုင်ခြေ အန္တရာယ်များနှင့် လူအများအပြားသေကြေစေသော လက်နက်များပြန့်ပွားမှုကို ငွေကြေး ထောက်ပံ့ မှုနှင့် စပ်လျဉ်း၍ ဘဏ်၏ ဝန်ထမ်းများ နားလည်သဘောပေါက်မှု တိုးမြင့်လာစေရေး အတွက် မြန်မာ နိုင်ငံတော် ဗဟိုဘဏ်၊ ငွေကြေးဆိုင်ရာ စုံစမ်းထောက်လှမ်းရေးအဖွဲ့နှင့် အထူးစုံစမ်း စစ်ဆေးရေး ဦးစီးဌာနတို့မှ ဘာသာရပ်ဆိုင်ရာ ကျွမ်းကျင်သူများအား ဖိတ်ခေါ်ပြီး အသိပညာမြှင့်တင်ရေး အစီအစဉ် အတွက် Seminar များ၊ Workshop များအား နှစ်စဉ် ကျင်းပ ပြုလုပ်ပေးလျက် ရှိပါသည်။

Board Risk & Compliance Committee (3/2022) အစည်းအဝေး

Board Risk & Compliance Committee (3/2022) အစည်းအဝေးအား ၂၀၂၂ ခုနှစ် ဩဂုတ်လ (၁၂) ရက်နေ့ တွင် ဧရာဝတီဘဏ် (ရုံးချုပ်) ပုသိမ်ခန်းမ၌ ကျင်းပပြုလုပ်ခဲ့ပါသည်။ အဆိုပါ ကော်မတီ အစည်းအဝေးသို့ ဘဏ်၏ အဆင့်မြင့် စီမံခန့်ခွဲမှုဆိုင်ရာ တာဝန်ရှိသူများ၊ ဌာနဆိုင်ရာ ဌာနကြီးမှုးများ (Compliance Officers) နှင့် တိုင်းဒေသကြီးတာဝန်ခံများမှ တက်ရောက်ခဲ့ပြီး သက်ဆိုင်ရာ ကဏ္ဍအလိုက် ပါဝင်ဆွေးနွေးခဲ့ကြပါသည်။

Financial Crime Seminar 2022

The Association of Banks in Singapore မှ ကြီးမှူးကျင်းပသည့် Financial Crime Seminar 2022 အား ၂၀၂၂ ခုနှစ် ဇူလိုင်လ (၇-၈) ရက်နေ့တို့တွင် AYA Bank မှ Senior Management အဖွဲ့ဝင်များ၊ ဌာနများမှ Compliance Officer များ၊ Risk Manager များတို့သည် Webex မှ တဆင့် ပါဝင် တက်ရောက်ခဲ့ပါသည်။ အဆိုပါ Seminar တွင် အောက်ပါ ခေါင်းစဉ်များဖြင့် သက်ဆိုင်ရာ ဘာသာရပ်အလိုက် ကျွမ်းကျင်သူများမှ ပါဝင်တက်ရောက် ဆွေးနွေးခဲ့ကြပါသည်။
• Cryptocurrencies – အန္တရာယ်၊ စည်းမျဉ်းစည်းကမ်းများနှင့် လက်တွေ့များ
• Cryptocurrency ရင်းနှီးမြှုပ်နှံမှု လိမ်လည်မှုများနှင့် ransomware တိုက်ခိုက်ခြင်း
• ထိရောက်သော တည်တံ့သော ယဉ်ကျေးမှုကို မွေးမြူခြင်းဖြင့် ငွေကြေးဆိုင်ရာ ရာဇ၀တ်မှုများကို ဆန့်ကျင်သည့် ကာကွယ်ရေး ယန္တရားတစ်ခုအဖြစ် ပြောင်းလဲခြင်း
• သဘာဝပတ်ဝန်းကျင်ဆိုင်ရာ ရာဇ၀တ်မှုများတွင် အသိပညာနှင့် စည်းကမ်းထိန်းသိမ်းရေးဆိုင်ရာ မျှော်လင့်ချက်များကို မြှင့်တင်ခြင်း
• ဒေတာခွဲခြမ်းစိတ်ဖြာမှုတွင် ထိရောက်မှုရရှိမှုကို တည်ဆောက်ခြင်းနှင့် ချဲ့ထွင်ခြင်း

AML/CFT Virtual Workshop 2022

Enterprise Risk Management and Compliance (ERMC) ဌာနမှ ဘဏ်ခွဲများရှိ Compliance Officer များ၏ လိုက်နာရမည့် တာဝန်ဝတ္တရားများ၊ လုပ်ဆောင်ရမည့်အချက်များ၊ ကာစတန်မာ KYC ရယူပုံ၊ CDD လုပ်ဆောင်ရမည့် အချိန်နှင့် အချက်အလက်များ၊ သတင်းပေးပို့ခြင်း ဆိုင်ရာ ကိစ္စများ၊ မှတ်တမ်းထားရှိခြင်းနှင့် ပြစ်မှုပြစ်ဒဏ်များကို ရှင်းလင်းဆွေးနွေးခဲ့ပါသည်။

AML/CFT Awareness Seminar 2021

၂၀၂၁ ခုနှစ်အတွက် နှစ်စဉ်ပုံမှန် ကျင်းပလျက်ရှိသော ဧရာဝတီဘဏ်ဝန်ထမ်းများအား အသိပညာပေး AML/CFT Awareness Seminar တစ်ရပ်အား ၂၀၂၁ ခုနှစ် နိုဝင်ဘာလ ၆ ရက်နေ့တွင် Zoom Seminar ဖြင့် ကျင်းပပြုလုပ်ခဲ့ပါသည်။ ယင်း Seminar တွင် ပြင်ပမှ သက်ဆိုင်ရာ ဘာသာရပ်အလိုက် ကျွမ်းကျင်ပညာရှင်များမှ ဘာသာရပ် အလိုက် ဆွေးနွေးပို့ချပေးခဲ့ပြီး ဧရာဝတီဘဏ်မှလည်း BOD အဖွဲ့ဝင်များ၊ Senior Management အဖွဲ့ဝင်များ၊ ရုံးချုပ်နှင့် ဘဏ်ခွဲများရှိ Compliance Officer များနှင့် Compliance အဖွဲ့ဝင်များ ပါဝင်တက်ရောက်ခဲ့ကြပါသည်။

ပထမဦးစွာ ဧရာဝတီဘဏ်၏ Executive Chairman၊ မြန်မာနိုင်ငံဘဏ်များအသင်း ဥက္ကဌ၊ အာဆီယံဆိုင်ရာ နိုင်ငံများ၏ ဘဏ်များအသင်း ဥက္ကဌ ဖြစ်သူ ဒေါ်ခင်စောဦးမှ အဖွင့်အမှာစကား ပြောကြားပြီး AML/CFT Framework အကြောင်းကို ရှင်းလင်းဆွေးနွေးခဲ့ပါသည်။ ဆက်လက်၍ မြန်မာနိုင်ငံတော် ဗဟိုဘဏ်မှ ညွှန်ကြားရေးမှူး ဒေါ်ရီမာမြင့်မှ “AML/CFT Preventive Measure for Banks” ၊ မြန်မာနိုင်ငံတော် ဗဟိုဘဏ်မှ ညွှန်ကြားရေးမှူး ဦးဇော်မိုးမှ “AML/CFT Awareness Training Course for Banks” ၊ Financial Intelligence Unit (FIU) မှ ဒုတိယ ရဲမှုးကြီး ဦးမြင့်စိုးမှ “FIU Role and Functions, Current ICRG process & Risk” ၊ Bureau of Special Investigation (BSI) မှ ဒုတိယ ညွှန်ကြားရေးမှူး ဦးသူရိန်အောင်မှ “AML/CFT & Countering the Financing of Proliferation” ခေါင်းစဉ်တို့အားအသီးသီး ရှင်းလင်းဆွေးနွေးခဲ့ပါသည်။