ပြည်ပနိုင်ငံများမှ လေကြောင်းခရီးဖြင့် ပြန်လာသူများ အဆင်ပြေချောမွေ့စွာ Quarantine လုပ်နိုင်ရန်အတွက် ကျန်းမာရေးနှင့် အားကစားဝန်ကြီးဌာနနှင့် ပူးပေါင်း၍ ဧရာဝတီဖောင်ဒေးရှင်း ပံ့ပိုးကူညီဆောင်ရွက်မည်

      ကူးစက်မြန် ကိုရိုနာဗိုင်းရပ်စ် COVID-19 ထိန်းချုပ်ကာကွယ်ရေးစီမံချက်ကို အထောက်အကူဖြစ်စေရန်ရည်ရွယ်၍ ပြည်ပမှ ပြန်လည်ဝင်ရောက်လာသူများ အဆင်ပြေချောမွေ့စွာ Quarantine လုပ်နိုင်ရန် ကျန်းမာရေးနှင့် အားကစားဝန်ကြီးဌာနနှင့် ပူးပေါင်း၍ ဧရာဝတီဖောင်ဒေးရှင်းမှ ပံ့ပိုးကူညီဆောင်ရွက်သွားမည် ဖြစ်သည်။ ဦးဇော်ဇော်သည် ပြည်ထောင်စုဝန်ကြီး ဒေါက်တာမြင့်ထွေးနှင့် ဆွေး‌နွေးတိုင်ပင်ကာ AYA Bank သင်တန်းကျောင်းနှင့် ရန်ကုန်ဘောလုံး‌အကယ်ဒမီသင်တန်းကျောင်းတို့တွင် ထားရှိနိုင်ရန်အတွက် စီစဉ်ဆောင်ရွက်ထားရှိပါသည်။ ဧရာဝတီဖောင်ဒေးရှင်းအနေဖြင့်COVID-19ထိန်းချုပ်ကာကွယ်ရေးအတွက် ပြီးခဲ့သည့်ရက်ပိုင်းက ဝေဘာဂီအထူးကုဆေးရုံကြီးနှင့် ရန်ကင်းကလေးဆေးရုံကြီးတို့တွင် အရေးပေါ်လိုအပ်နေ‌သော အထောက်အကူပြုပစ္စည်းများအတွက် ငွေကျပ်သိန်း (၁,၀၀၀) လှူဒါန်းခဲ့ပါသည်။