မြဝတီနှင့် ရမည်းသင်းတို့မှ Quarantine ဝင်နေရသူ ရွှေ့ပြောင်း အလုပ်သမားများ အတွက် လိုအပ်သည်များ ပံ့ပိုး

ဧရာဝတီ ဖောင်ဒေးရှင်းသည် ထိုင်းနိုင်ငံမှ ပြန်လည် ရောက်ရှိလာသော ရွှေ့ပြောင်း အလုပ်သမားများ နေရေးထိုင်ရေး အခက်အခဲ ရှိနေသည့်အတွက် မြဝတီရှိ မက်စ်မြန်မာက ပိုင်ဆိုင်သော အဆောက်အဦ (၄)ခုတွင် လူ(၂၀၀) နေထိုင်နိုင်ရန် စီစဉ်ဆောင်ရွက်ထားရှိပါသည်။ အဆိုပါ ရွှေ့ပြောင်း အလုပ်သမားများ ၎င်းတို့ နေရပ်ပြန်ရန်အတွက် ခရီးစရိတ်အဖြစ် တစ်ဦးလျင် ငွေကျပ်နှစ်သောင်းစီ ထောက်ပံ့ ကူညီပေးခဲ့ပြီး မြဝတီမြို့နယ် အတွင်းရှိ Quarantine Center များအတွက် လိုအပ်နေသော ကော်ဇော အလိတ်(၁၀၀)နှင့်အတူ စုစုပေါင်း ငွေကျပ် သိန်း(၁၀၀) လှူဒါန်းခြင်းကို ခရိုင် အုပ်ချုပ်ရေးမှူး ဦးတေဇာအောင်ထံမှ တစ်ဆင့် ပေးအပ် လှူဒါန်းခဲ့ပါသည်။ ထို့အတူ ရွှေ့ပြောင်း အလုပ်သမား အများဆုံး ပြန်လည် ဝင်ရောက်လာသည့် မြို့နယ်တစ်ခုဖြစ်သော ရမည်းသင်းမှ မြို့နယ်[…]