COVID-19 ဓာတ်ခွဲနမူနာ ဘေးကင်း လုံခြုံစွာ ရယူနိုင်ရန် Protective Chamber များလှူဒါန်း

နိုင်ငံအနှံ့အပြား ပြည်သူ့ ဆေးရုံများရှိ ကျန်းမာရေး ဝန်ထမ်းများ အနေဖြင့် COVID-19 ဓာတ်ခွဲ နမူနာများ ဘေးကင်း လုံခြုံစွာ ရယူနိုင်ရန် ရည်ရွယ်၍ ဦးဇော်ဇော်နှင့် မိသားစု၊ ဧရာဝတီ ဖောင်ဒေးရှင်း အမှုဆောင် ပါမောက္ခ ဒေါက်တာ ဇော်ဝေစိုးတို့သည် ငွေကျပ် သိန်း(၃၀၀) တန်ဖိုးရှိ Protective Chamber အလုံး (၅၀)ကို ဆေးတက္ကသိုလ်(၁)၊ ဒုတိယ ပါမောက္ခချုပ် ပါမောက္ခ ဒေါက်တာမြင့်မြင့်ငြိမ်း၊ ရန်ကုန်တိုင်း ဒေသကြီး ပြည်သူ့ ကျန်းမာရေးနှင့် ကုသရေး ဦးစီးဌာနမှူး ဒုတိယညွန်ကြားရေးမှူးချုပ် ‌ဒေါက်တာထွန်းမြင့် တို့ထံသို့ ဧပြီလ ၂၄ရက်နေ့ နံနက်ပိုင်းက ပေးအပ် လှူဒါန်းခဲ့သည်။
အဆိုပါ Protective Chamber များကို မြန်မာနိုင်ငံ အလူမီနီယမ် အသင်း (MGAA) မှ အကျိုးအမြတ် လုံးဝ မယူဘဲ အလျင်မြန်ဆုံး ပြီးစီးစေရန် အားတက်သရော ပူးပေါင်းကူညီ ဆောင်ရွက် ပေးခဲ့ခြင်း အတွက် ဧရာဝတီ ဖောင်ဒေးရှင်းမှ အထူးပင် ကျေးဇူးတင်ရှိပါသည်။