Seminar for AML/CFT Awareness and Preventive Measure for Banks

ဧရာဝတီဘဏ်လီမိတက်သည် (၂၃-၂-၂၀၁၉) ရက်နေ့တွင် ဧရာဝတီတိုင်းဒေသကြီး၊ ပုသိမ်မြို့ရှိ ပုသိမ် ဟိုတယ်တွင် ဧရာဝတီတိုင်းဒေသကြီးနှင့် ရခိုင်ပြည်နယ်တို့ရှိ ဧရာဝတီဘဏ်၏ ဘဏ်ခွဲများမှ ဘဏ်ခွဲ တာဝန်ခံများ၊ ဒုတာဝန်ခံများ နှင့် ဘဏ်ခွဲတွင် AML/CFT ဆိုင်ရာ တာဝန်ယူနေသာ ဝန်ထမ်းများအတွက် “Seminar for AML/CFT Awareness and Preventive Measure for Banks” ခေါင်းစဉ်ဖြင့် Seminar တစ်ရပ်အားကျင်းပပြုလုပ်ခဲ့ပါသည်။
အဆိုပါ Seminar တွင် ပြည်ထဲရေးဝန်ကြီးဌာန၊ ငွေကြေးဆိုင်ရာ စုံစမ်းထောက်လှမ်းရေးအဖွဲ့ (Financial Intelligence Unit – FIU) မှ ဒုတိယရဲမှူးကြီး မြင့်စိုးမှ အထူးဧည့်သည်တော်အဖြစ် ပါဝင်ဟောပြောခဲ့ ပါသည်။
ပထမဦးစွာ ဧရာဝတီဘဏ် ဒုတိယဥက္ကဋ္ဌ ဒေါ်ခင်စောဦး မှ အဖွင့်အမှာစကား ပြောကြားပြီး “AML/CFT Legal and Regulatory Framework in Myanmar” ခေါင်းစဉ်ဖြင့် ဆွေးနွေးဟောပြောခဲ့ပါသည်။ ၎င်းနောက် ငွေကြေးဆိုင်ရာစုံစမ်းထောက်လှမ်းရေးအဖွဲ့မှဒုတိယရဲမှူးကြီးမြင့်စိုးက“ငွေကြေးဆိုင်ရာစုံစမ်းထောက်လှမ်းရေးအဖွဲ့၏တာဝန်နှင့်လုပ်ပိုင်ခွင့်များ”ခေါင်းစဉ်ဖြင့်ဆွေးနွေးဟောပြောခဲ့ပါသည်။တက်ရောက်လာသည့်ဝန်ထမ်းများမှသိရှိလိုသည်များမေးမြန်းခြင်းအားလည်းပြန်လည်ဖြေကြားပေးခဲ့ပါသည်။ထို့နောက်နေ့လည်ပိုင်းနှင့်ညနေပိုင်းတွင်ဧရာဝတီဘဏ်၊ Enterprise Risk Management ဌာနမှ ဝန်ထမ်းများအတွက် နှစ်စဉ်ပြုလုပ်နေကြဖြစ်သော Concepts and the Key functions of Compliance & Risk Management အသိပညာပေး ဆွေးနွေးပွဲအား ဦးအောင်ကိုကိုဦးမှ ဦးဆောင်ပြီး ဆက်လက် ပြုလုပ်ခဲ့ပါသည်။ ထိုဆွေးနွေးပွဲတွင် ရုံးချုပ်မှ ထုတ်ပြန်ထားသော Policiesများ၊SOPများအားလေးစားလိုက်နာရန်နှင့် ဘဏ်ဝန်ထမ်းများ သိသင့်သိထိုက်သော ငွေကြေးခဝါချမှုနှင့် အကြမ်းဖက်မှုကိုငွေကြေးထောက်ပံ့မှုတိုက်ဖျက်ရေးဆိုင်ရာဗဟုသုတများ၊လုပ်ငန်းဆောင်ရွက်ရာတွင်ဗဟိုဘဏ်မှချမှတ်ထားသောစည်းမျဉ်း၊စည်းကမ်းများအတိုင်းလေးစားလိုက်နာစေရန်များ၊နည်းဥပဒေများနှင့်ဆောင်ရန်၊ ရှောင်ရန်အချက်များအားထည့်သွင်းဆွေးနွေးခဲ့ပါသည်။ဆွေးနွေးပွဲနှင့် မွမ်းမံသင်တန်းသို့ ဘဏ်ခွဲ(၂၄)ဘဏ်မှ ဖိတ်ကြားထားသောအရာထမ်းများ၊ဇုံတာဝန်ခံများနှင့် ဝန်ထမ်းများ စုစုပေါင်း (၁၄၀) ဦးမှ ပါဝင်တက်ရောက်ကာ အသိအမြင်များ၊ လုပ်ငန်းအတွေ့အကြုံများအား ဆွေးနွေးဖလှယ်ခဲ့ကြပါသည်။